مشترياتي انا و ماما من ماك,فيكتوريا سيكرت و الخ | haul for me and my mom from M.A.C , VS and more

السلام عليكم و رحمة الله و بركاتة
أزيكو يا قماعه عمليين ايييه دنتو وحشتوني اوي ااه و الله العظيم
امبرح يوم الخميس رحت على مركز التحلية بجدة و اشتريت شويت حقات بعد انقطاع عن الشراء اكتر من
6شهور
ههههههه بس بس خلاص لهجه مصري و نقلب جد
طبعا ليا اكثر من 6 اشهر ما اشتريت شي من مكياج منتجات بشرة و الخ و قصدي الاشياء الي مو اساسيه
يعني حاجات مو شرط تكون عندك بس لمن تكوني شخص يحب يتسوق و تحبي تجربي كل شي جديد فيعتبر شي
ضروري انك تشتري بعد كل فترة و فترة و الخ ,المهم اخليكم مع صور المشتريات و معليش لسى نتعلم على تصوير الكام
 و كدا
يلا نبداء
طبعا اول شي قبل لا افكر اروح للسوق عملت لسته و كتبت فيها الاغراض الي ابغاها و عملت عليها سيرش و الخ
لأني مااحب ادفع فلوس على شي ما يستاهل و اشوف هل هوه يناسب و يستاهل و لا و لا و ترى هذي الخطوه احسها
جدا شيء مهمة لازم تسوينها ,و انا اعتبر من الأشخاص الي ما يعرف يقرر الا بوجود خريطة معاه و لا اضيع و اصرف بالهبل و بعدين اندم
أول محطة رحت على بوتس و اشتريت

  1. Puffy eye attack من سوب اند قلوري كريم للعيون في الصباح و الليل يخفف من انتفاخها
  2. clean om me شور جل برضوا من سب اند قلوري ,شفت عليها مدح قلت يلا اجرب العلبه الصغيره
  3. hand food كريم لليد من سوب اند قلوري ما حصلت الحجم الصغير فاقلت اخدو اصلا كدا و لا كدا كريمات يدي خلصت
  4. مقشر Flake away من سوب اند قلوري برضو شفت الناس و البلوقرز يمدحوه قلت نجرب و اخدت الصغير و لمن رجعت البيت و فتحت العلبه و شميت ريحتو تجنن قلت يا ليت اخذت الكبير بس لسى ما جربتو
  5. ماسكارا بورجوا الجديده الي تجي في دعاية ام بي سي (اكثف و أطول)طبعا ما اكذب انبلهت على الدعاية و اختارو عارضه لون عيونها جميل و صح اعرف دا اسلوب تسويق بس قلت يلا مرة وحدة اغير من مايبلين و نرجع لبورجوا تاني
  6. مناكير من بورجوا لون (لحمي)هذي الدرجة مو عندي فقررت اخدها الصراحه و انا من عشاق مناكيرا بورجوا
  7. سيرو للشعر بخلاصة جوز الهند
  8. شامبو للشعر الجاف بجوز الهند ما ادري ليش اخدتهم مع اني اكره ريحة جوز الهند ههههه
  9. مناديل منظفة من المكياج و الخ بالخيار
ثاني محطة حبيب الجماهير ماك
راح اوريكم اغراضي بس لآنو باقي ما تبقى اغراض ماما و ما فتحتها الصراحه
محدد شفايف اسمو
Boldly Bare
الصراحه اخدتو من غير ما جربتو على يدي خخخ بس طلع تمام
روج اسمو
Hug me
بلشر كريمي و اسمو
something special
خافي العيوب -ستديو فنيش
و كمان اخذت كريم اساس استديو فينش بس نسيت اصورو خخخخ
و اخيرا منظف فرش المكياج
طبعا اغراض ماما كانت
-بيبي كريم
-كونسيلر استديو فينيش
-فيكس بلس
-رموش
و نسيت اجيب لها الاضائه و حسيتها كرهتني ههههههه
و الله من غير قصد خخخخخ
ومن ثم ذهبت الى فيكتوريا سيكرت
كان عندهم عرض كويس تاخدي 5 قطع من اي منتج استحمام لوشنز و بخاخ جسم كلهم بـــ 200 ريال
اخدت لآختي هدية نجاحها مجموعه
Sensual Blush
و انا اخدت لي
Pure Daydream
المحطة الرابعه سيفورا
طبعا رحت سيفورا عشان اغلب المشتريات كانت لماما
-باليت من توفيسد إصدار خاص و كانت اخر حبة للي تحبه ههههه
-باليت من سيفورا برضوا إصدار خاص و لسى ما خلصت
-إضائه سن بيم من بنفيت و يا رب يعجبها لأنو ممكن راح انضرب بالعلبه بعد ما نسيت اجيبو لها من ماك
– برايمر من توو فيسد
-فرشة رسم الحواجب من سيفوار
و اخيرا عطري من شانيل (كوكو مودموزيل) طبعا اخدتو و لمن وريتو لآمي انقهرت ههههه
كانت مخططه تاخدو من زمان و سبحان الله ما كنت ادري و سبقتها ههههه سامحيني يا ست الحبايب
 و المحطه ما قبل الاخيرة
باث اند بودي وركس

 

هذا الجورب الكيوت اخدت منو اتنين واحد ليا و التاني لأختي بس انا لبس حقي و هذا لأختي
في زبدة شايا الصراحه, شفت البلوقر نورة العوفي الجميلة اخدتو و عجبني شكلو و قلت يلا ناخدو
طبعا على حظي كان في عليه عرض اخدت الاتنين بي 45 من 90 ههههههههه يا بلااااش

المحطة التاليه لليوم التاني طبعا بالصدفة رحت على سنتربوينت القبه (بنات جدة يفهمو ايش القبة دي خخخخ ) خميت بلوزتين و بنطلونين من الكولكشنز الجديدة

من لي كوبر ,بوسيني و سبلاش  طبعا ما عرفت كيف اصورهم فقلت تشوفهم ياالله العفو العافيه فالعيد
هههههههه
 و رحت ركض اشوف المكياج كنت ناوية اخم بس قلت يا بنت و وقعت في غرام الشيء الكيوت دا
هوه تقريبا يستخدم زي الهايليترز و في منو 3 درجات بس للأسف كلهم خلصو و ما كان في غير دي اخر حبه و مقفوله
قمت و لطشتها و قلت عناد كدا باخدها هههههه و الحمدلله و المنه
قبل لا نقفل التدوينة , اقول الحمدلله على النعمه الي ربي انعمني هيا بجد لمن تشرتي اي شي رخيص غالي و حاجات نفسك فيها
نفسيتك ترتاح و تحسي بشعور جميل و راحة تجربت ال6 شور
عرفتني معنى كيف الواحد لمن يكون نفسو في شي  و لا يقدر يشتريه لعدم وفرة المال او انو مريض و يصرف على علاجه او اهله و الخ
فلا تنسوا تشكروا ربنا على كل شي و تحمدوه حتى لو على حاجات بسيطة لأنو في غيركم كثييير ما يقدر يشتري و يعيش مبسوط
نشوفكم إن شاءالله في تدوينة قريبة بإذن الله

 

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s