إجتماع+ مراجعة لمنتجات بودي شوب الجديدة

السلام عليكم و رحمة الله و بركاته
الي يتابعني في الانستقرام اكييد تعرف انو كنت في اجتماع مع ذا بودي شوب
مع البلوقرز الجميلات كان يوم جميل و ما اوقعت ماما توافق بس وافقت الحمدلله ههههه _مو من عوايدها) طبعا


قبل لا اقول اي حرف / انا ما أسوق و لا لأي شركة اللهم هيا منتجات تجيني من عندهم و استخدمها و اعمل عليها مراجعه
و اكتب كل صراحتي فيها سلبي او ايجابي , التدوين عن منتج عندي يعتبر زي الامانه اقول الطيب و البطال في المنتج
و انت لك حرية الاختيار 
نرجع لموضوعنا الاساسي بودي شوب ادتنا منتجات جديدة راح ينزلوها في الششهر ذا شهر مارس بعض المنتجات راح تتوفر بكميات محدودة يعني اذا عجبتك اكتبيها في اللسته و روحي جري على بودي شوب قبل لا يقولوا لك (بح) يعني خلص هههه
 :طبعا في منتجات للأمانه ما استخدمتها الا مرة او اتين فما راح اتكلم عنها كثير و هيا
ملمع الشفاه برائحة الورد
انا ما احب القلوسات ابدا ابدا و لا استخدمها ,حكما لأنو شفايفي مليانه فلمن احطها تديني حجم دبل و لا احب شي يدبق
في شفايفي استخدمتو مرة وحدة بحكم التجربة و ما عجبني فا في الاخير راح ادية لأختي الصغيره خخخخ
جل مرطب للوجه 
أعتقد انو هذا مو منتج جديد عموما , هوه جل مرطب بخلاصة الصبار  طبعا تحطيه على بشرة نظيفه
ما فيها مكياج لآنو هوه مجرد مرطب ,اول ما تحطيه في وجهك تحسي ببرودة و انتعاش
بس بكل صراحه ما عجبني مرة ما ادري ليش
ظلال العيون
الوانها على بنكيات و هيا الوان ربيعيه
الالوان جدا بقمنتد مسحه من يدك تخرج الالوان بسرعه حبيتها
كلنا البلقورز اول ما شفناها ذكرتنا بي باليت نيكد باليت 3
عموما حبيتها مع اني زي ما تعرفوا اكره اللون البنكي بدرجاتو خخخخخ
ملاحظة: هذا الباليت حينزل مع باليت تاني بالوان ترابيه و اكحال الصراحه راح اشتريها
وهيا لمدة محدودة
طيب ذحين نجي للقسم الثاني و هيا المنتجات الجديدة مرة
ملون الشعر
ملون الشعر هيا تقريبا زي الطباشير حقت الشعر لكن دي بالنسبة ليا اكثر امانا
 راح ينزل منها لونين بس و لفترة محدودة ازرق و بنكي
طريقة استخدامها:
حطي شعرك على منشفة لو شعرك طويل بعدين خدي الملون و امسحي على شعرك اللون يطلع بسرعه على الشعر بس مسحة مسحتين و بخي مثبت الشعر و  انتهينا
طريقة ازالته:هوه تغسليه بمويه و صابون
استخدمتو على شعري و غسلتو بالموية بس كسلا مني صح اختفى اللون لكن كان موجود في شعري طبعا صحيت اليوم الثاني غسلتو بالشامبو تبعي و كلو خرج , شعري ما اتأثر منو ابدا و لا اتقطع و لا خشن و لا اي شي مع اني جلس الليل كلو و هوه في شعري  , كمان ما استخدمت المثبت و كانت الألوان شبة ثابته
الألوان جدا بقمنتد بدرجة فضيعه و هذا سواتش على اصابع يدي ليهم
طبعا انا شعري داكن فما حبيت اللون يكون واضح فحطيت اللون الأزرق بعدين مشيت اللون البتكي عليه و طلع لون بنفسجي على ازرق مرره حبيتو حطيت صورة صغيره توضح لكم اللون الي طلع على شعري
سعر المنتج للواحد بي 69 ريال
زبدة الشفايف بنكهة التوت الازرق
 
طبعا هذا المنتج راح ينزل مع مجموعة التوت الازرق فيها
-شاور جل
-لوشن للجسم
-زبدة للجسم
-ليفة
– زبدة الشفايف
ريحتها جايه على سويت حلويات مع ريحة توت بري الي تعرف شمعة جليد بريحة التوت الازرق هيا تقريبا نفسها
انا جدا اندمرت عندها و كمان الكولكشن لونو ازرق يعني دا لازم اشتري المجموعه كلها
الي يزعل انها لفترة محدودة بعدين نقولها باااي
فلو تحبي ريحة التوت الازرق لا تفوتك المجموعه
نجي لأستخدامي لي زبدة الشفايف
ريحتها جميلة ودي اكل العلبه هههههه
سارت ما تخرج من شنطتي ابدا و ترطيبها جيد احطها قبل النوم بس
نصيحة لا تحطو عليها قلوس او روج لانو المنتج بنفسو فيه ريحة التوت يعني ما تتعاملي معاه زي مرطب الشفايف سواء
من بازلين او فازلين و الشله
اخيرا و ليس اخرا
 السيروم الزيتي من مجموعة فيتامين هـ
 
هذا الشيء انه الحب عشقتوا بكل شي و درجة لا توصف
من يوم الاجتماع الى الان و انا عاشقه لييه
استخداموه جدا بسيط قبل بعد ما تغسلي وجهك فالليل و تنظفيه من كل المكياج و الخ
حطية بدل كريم الليل او اخلطية مع كريم الليل من فيتامين هـ
و حطية على وجهك و نامي
السيروم / يعوض نقص رطوبة بشرتك و يرطبها و للأمانه
كنت اصحى الصباح اغسل وجهي بالغسول و وجهي ما يجف ابدا ترطيبوا جدا عالي بنسبة 75
و احس بشرتي بجد مرتاحة و مشرقة
(ملاحظة استخدمتة لمدة اسبوعين من غير انقطاع ابدا )
و هذا شكلو من جوا
العلبه قلبا و قالبا من زجاج مش بلاستيك
سعر المنتج بي 99 ريال و الصراحة يستحق
و اخيرا هدية اكسترا كانت مجموعة الجابنيز
شكرا مرة كثير بودي شوب
عشقي لكم منذ الصغر
لا تنسوا شهر مارس راح تنزل كل المنتجات الي موجودة في التدوينة دي و كمان في غيرهم
اتمنى انكم استفدتم من التدوينة و يا رب تكون عجبتكم
احبكم
Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

2 thoughts on “إجتماع+ مراجعة لمنتجات بودي شوب الجديدة”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s