مراجعة منتج دوف البرنامج المعالج لتساقط الشعر خلال اسبوعين

بسم الله الرحمن الرحيم
السلام عليكم و رحمة الله و بركاته
كيفكم و كيف الامتحانات معاكم و الاجازة و مبروك للي نجحوا و اتخرجو , و الناس الي بتسافر اتمنى لكم اجازة سعيدة سوف احرس لكم السعودية لا تخافو >> شطحة صح
الي تتابعني في الانستقرام اكيد شافت انو نزلت صورة لمجموعة دوف الجديدة اتواصلوا معايا و رسلوها ليا على اساس اجربها و اقول رائي عنها في المدونة

ايش هي المجموعه؟
باختصار هي مجموعه مكونه من شامبو و بلسم و انبولات + ماسك للشعر (بس ما كان موجود في الصندوق الي اترسل لي) تعمل المجموعة على ايقاف تساقط الشعر خلال اسبوعين
كيفية استخدامه؟
تستخدمي الشامبو و البسلم عادي بعدين تحطي الامبولات فيها السيروم
توزعيه على كامل فروة رأسك سواء مبلول او جاف و تستخدميه يوم ايوا و يوم لا على فروة رأس نظيفه
و خلال اسبوعين راح تلاحظي توقف تسساقط شعرك
رأيي بعد استخدام المنتج ؟
انا شعري جاف و اعالجو بالكيراتين ,+ معايا انيميا (فقر دم) و نعرف انو سبب يخلي الشعر يتساقط + غذائي مو متاكمل للأسف +موية الي استحمى بيها موية تحليه يعني نسبة الكلور فيها عاليه كل هذي الاسباب تخلي شعري يستاقط
طيب هل لاحظت وجود فرق في تساقط شعري حاقولكم ايوا بس مو مره كثير و في اشياء حبيتها فالمجموعه و اشياء لا
حبيت الشامبو و البلسم بس لمن استخدم امبولات الشعر شعري يسير سلك لدرجة ما اقدر امشطو و يتشابك احس كانو عليه سيلكون الامبولات كانت قوية على شعري يعني كفايه هوه جاف و هذا يزيد الطين بله فمرة ما حبيت الامبولات نهائي اكتفيت بالشامبو و البسلم و اذا نزل القناع تبع الشعر فالسوق راح اشتريه و اجربهم الثلاثه سوا
هل راح اشتري المجموعه كامله و هل انصح فيها ؟
حقيقي قبل لا تفكري تشتري دا المنتج شوفي ايش اسباب تساقط شعرك انا عن نفسي اعرف ليش شعري يتساقط و قيد رحت عند دكتور و اداني ادوية و الخ لكن في عوامل اخرى تجاهلها الدكتور فسار في نوع من انواع اظطراب في شعري و لا استمريت
 كمان لا تنسوا لابد اي احد يجيه تساقط شعر و هوه شي طبيعي بس لو شفتي شعرك يتساقط مره كثير لازم تزوري دكتور و تكشفي على نسبة الهيموجلوبين, الزعل و العصبيه برضوا من اسباب التساقط , الموية الي تغسلي بيها كمان تسبب التساقط , الحمل و الولادة , النزيف خلال العادة الشهريه او بعد العمليات  ,الزبده لا مفر لك من تساقط شعرك
ثانيا ممكن المنتج يناسبك و ممكن لا كل وحده شعرتها تختلف عن الثانيه ,
ثالثا المنتج هذا مجرد معالج يعني محتاج دعم منك زي تاكلي اكل صحي تعرفي اسباب تساقط شعرك و تعالجيها يعني لا تعتمدي اعتماد كلي عليه
فانصحك قبل لا تاخديه اتعرفي على طبيعة شعرك و اسئلي دكتورك
فالاخير زي ما قلتلكم انا راح اشتري الشامبو و البسلم مع القناع راح اعطيه فرصه ثانيه و ان شاءالله راح اقولكم اذا فادني او لا ,
اتنمى انكم استفدتوا و اذا عندكم اي سوال استفسار الخ لا تنسوا تكتبوه في التعليقات احبكم
Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s