تغطية حدث فيكتوريا سيكرت 14 مايو+ مشترواتي

بسم الله الرحمن الرحيم
السلام عليكم و رحمة الله و بركاته

في 14 مايو الشهر الي فات جاتني دعوة من الجميله فرح القادري هيا الماركتر لمحل فيكتوريا سيكرت
ادري اني اتأخرت في كتابة البوست لأني جلست بس يومين و على طول سافرت على دبي – نرجع لحديثنا المهم
طبعا على حظي كنت في جدة

و قبلت الدعوه , الحدث كان مسلط على اطلاق عطر فيكتوريا سيكرت الجديد اسمو فوربدن و كمان كانت في اشياء جديده نزلت في المحل خلونا ناخد لفه عالمحل يلا نبدا

اول شي هذا صورة الدعوه و موضح فيها صورة العطر الجديد (فوربدن)كان الحدث خاص بالبلوقرز و الشخصيات المهمه
اول شي ورتني فرح الكولكشن الجديد من الشنط و الشالات و المحافظ طبعا كلها اشياء كيوت و تجنن
خامات الشنط جلد طبيعي ذكرتني بشنط مايكل كورس اسعارها مناسبه و في متناول الايدي اما بالنسبه للأوانها فجدا مناسبه للصيف
هنا هذي الشنط للسفر و بعضها مقلميات تحفظي فيها اغراضك الشخصيه او اشياء البحر مره هذا الكولكشن عجبني و اتجننت عليه و مناسبه مرره للصيف او انك تشيليها معاكي البحر
بعد كذا ورتني اللوشن البرونزر اسمو (باك ستيج قلو) و الي يستخدموه العارضات في فيكتوريا سيكرت عشان يخلي شكلهم كانهم مسوين تان
بعد كذا ورتني العطر الجميل (فوربدن) عطرت الاساور البنكيه و لفتها في يدي الصراحه ريحتو كانت فتاكه جدا جدا جدا
طبعا شفت البلوقرز بس مو كلهم شفت امل و توفي الجميلات و اخدنا صورة تذكاريه
دحين اوريكم الهدايا من فروحه  الجميله + مشترواتي راح اتكلم عنها باتفصيل (طبعا كان في خصم 20%و عروض بس في هذاك اليوم و نزلتلكم صوره في الانستقرام عشان تلحقوا عالعروض) يلا نكمل
نبداء من اليمين الفرش و المقلميه + العطر الي تحت اسمو قلامور + شنطه كانت الهديه
نجي نفصل مشترواتي
اول شي الباسبور الجميل \ و غريبه اخذت لون بنكي مو حب و لا طرب فيه بس للأسف ماما سبقتني و اخذت الازرق و انقهرت جدا جدا جدا >_< اصلا عايدي , سعرو ب 138 ريال
عطر فوربدن ,حقيقي ما اخدتو ليا بس ماما قالت طالما انا جبتك يلا خدي العطر ليا +_+ و الله ماما تعرف كيف تفقر الواحد يلا ربي يرزقني بي بزوره زيي يدلعوني هههههه – سعر العطر ب 254 ريال
و اخيرا و ليس اخرا هذي الشنطة حافظه للمنتجات الشخصيه الصراحه مره فادتني في السفر حتى فالبيت ما شلت هم الاشياء تنكب على اللبس و الشنطه سعرها ب 168 ريال
قبل لا اخلص تدوين لمن رحت دبي رحت فيكتوريا سيكرت في دبي مول و صورت كم صوره بالجوال و من شدة الزحمة ما قدرت اصور كثير , طبعا ايش اقولكم احلا بشي كثير من الي عندنا و عندهم قسم اللانجري و البجايم و الملابس الداخليه يا ليت يحنون علينا و يسير عندنا زيهم الصراحه طفشنا من محلات نعومي و لاسنزا اوشيو و ومن سيكرت نبا شي جديد يفتح النفس >_<  اشتريت من عندهم ملابس داخليه و كان عليهم عرض و قمت بقش كل ما لذ و طاب
و بكذا خلصت التدوينه لليوم شكرا مرره لي فرح القادري و فيكتوريا سيكرت على هالدعوه
ان شاءالله يا رب نالت اعجابكم لو عندكم اي سوأل استفسار لا تترددو انا دايم في خدمتكم شكرا لكم
Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

3 thoughts on “تغطية حدث فيكتوريا سيكرت 14 مايو+ مشترواتي”

  1. حبيت الايفنت وتفاصيله الجميله
    وجميله مشترياتك عليك بالف عافيه ،
    فرع دبي جميل جدا كل شي فيه وخدمتهم روعه من افضل المحلات في الخدمه ، وكل بضاعتهم حلوه
    حتى بوقت التخفيض فيه ناس تساعدك وروحهم حلوووه

    Like

  2. هناء حبيبتي كلك ذوق تسلمي لي , صحيح كلامك خدمتهم جدا لا يعلا عليها الصراحه مع زحمة المكان بس مره كانو حبوبين و متعاونين لأبعد درجة
    شكرا لك

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s