جولة على محل ذا فيس شوب + مشترياتي

بسم الله الرحمن الرحيم
السلام عليكم و رحمة الله و بركاته
قبل شهر رحت على محل ذا فيس شوب و كانت بالصدفه و لا كان اصلا اني اروحه بس اضطريت عشان ماما كانت تبى شي من عندهم- رحت فرعهم في جدة السلام مول

خلوني احكيكم شويه عن الشركة هيا اصلا شركة كوريه حاولت ادور معلومات عنها كا مين صاحبها و الخ ما حصلت في موقعهم الرئيسي لكن بدايتها كانت في كوريا عام 2003
فكرة الشركة قريب من ذا بودي شوب , كل منتجاتهم من مكونات طبيعيه تعطي لبشرتك و جمالك تألقها  كاتبين في موقهم انهم
-يثقون في حكمة الطبيعة
-يوصلون القصه الحقيقيه للطبيعه
-يعملون من اجل بشرتك
طيب خلونا ندخل في صلب الموضوع و اوريكم المحل
اتركم مع الصور

اول قسم العنايه بالبشره في منتجات لكل انواع البشره جاف دهني مختلطه عاديه
عندهم تونرز غسولات كريمات ترطيب سيروم ,مناديل مزيل مكياج ,مقشرات ,اقنعه
قسم العنايه بالجسم و الشعر
في عندهم شامبوهات بلسم صوابين شور جل لوشنز و كل نوع من انواع الشعر او الجسم له منتجه الخاص
هذا الركن فيه افضل المنتجات او الاكثر مبيعا عندهم  لكل ركن
الاقنعه مو بس للوجه لا في لليدين الارجل حتى للمفاصل تبع اليد في – عجيبين الكوريين ياخي
مكياج \ ارواج مناكير فاونديشن بودر كل الي تبيه عندهم
و كلها طبيعيه
هذي العرايس الكيوت الملونه عطور ستيك  ماما عندها واحد منهم جدا كيوت و عمليه
اما البسس الجميله و الكيوت دي كريمات ترطيب مو اقولكم الكوريين عجيبين
طيب نجي لمشترياتي الي اخدتها من عندهم
لم استطيع كفح نفسي عن شراء هذا الشيء الكيوت مع اني اكره القطط البساس البسس هههه المهم هوه كريم ترطيب برائحة الورد
لمن يخلص الكريم الي فيه ما راح ارمي العلبه ههههه
صابونه طبيعيه من خلاصة الطماطم و عاد معروف فوائد الطماطم للجسم و نضارة الوجه و البشره
صابونه بخلاصة الارز و عاد معروفين شرق اسيا يقدسون الارز بشكل مو طبيعي و شوفوا كيف وجههم نظر اغلب خلطاتهم فيها رز
اخيرا و ليس اخرا غسول بخلاصة الكرز للبشره المختلطه
لو تلاحظو ما فصلت كثير عن المنتجات لانها حقيقي جديده عليا و بعضها ما استخدمتها الا كم مرة ان شاءالله راح انزل عنها بوست ثاني و اتكلم عنها بالتفصيل و اتكمل عن سلبياتها و ايجابيتها بس عطو سداح فرصه <<ايش دخل سداح بالموضوع لول
اخر شي الموظفات هناك جدا جدا حبوبات و متعاونات و يساعدونك و صبرو عليا من كثر الاسئله كمان حابه اشكر بالآخص الموظفة مرام هيا الي شرحت لي كل شي في الصور و ادتني فكره عامه عن منتجاتهم و خاصه عن منتجاتي بس الله وكيلكم جاني زهايمر و نسيت ثلاث ارباع الكلام
 بالنسبه لأسعارهم جدا معقوله و في متناول الايدي فروعهم في السلام مول و العرب مول بجدة كمان عندهم فروع في الرياض و مكة
شكرا لكم و ان شاء الله القاكم في بوست اخر
Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

2 thoughts on “جولة على محل ذا فيس شوب + مشترياتي”

  1. فين فرعهم في مجمع العرب يعني موقعو بالضبط في السوق ، ويسلمو ع البوست انا اعرف الشركة لكن جديدة عليا وحابة اجرب من عندهم 🙂 يعطيكي العافية

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s