ضعي احلامك في خلفية جهازك

بسم الله الرحمن الرحيم
السلام عليكم و رحمة الله و بركاته

كلنا منذ الصغر و على مدى العمر لدينا احلام ,طموح و امال
نعمل بجد و كد للوصول اليها

الاحلام قد تكون كما هيا او قد تكون اهداف و الهدف هوه كالشمعه التي تضيء درب حياتك
لكن كيف نحققها ,نصل اليها و نراها امامنا

يوجد اكثر طريقه للوصول اليها لكن في هذه التدوينة سوف اشرح لكم طريقة مشهوره و معروفه و هيا تسمى ب
Dream board wallpaper

فكرتها
جمعي الصور الي تخص احلامك (اهدافك) من الانترنت و جمعيها كلها في خلفيه صورة وحدة تكون على حجم خلفية جهازك\سواء كان لابتوب جوال ايباد الخ

ايش الفائدة من الفكرة
لمن يكون الشي الي تبغيه قدامك 24 ساعه راح يعطيكي تحفيز ,طاقه و رغبه فالعمل عشان توصلي ليه باي طريقه من الطرق
كل ما تقولي خلاص استسلمت تشوفي الصورة راح ترجعي تكملي شغلك لانو عقلك نصب هدف و ما راح يرتاح الا لمن يوصل ليه و هذا ما جزء مما يسمى ب (قانون الجذب
تجذبي الاشياء الي حولك بطريقة مباشره او غير مباشره

ما ابغا اطول عليكم انا دايم كل سنة اسوي لي خلفية اصممها في الفوتوشوب (تقدري تصمميها في الرسام اي برنامج تصميم ) اجمع الصور في النت و بعد كذا اسوي لها ديكور معين و اخليها خلفيه في اللابتوب (اخترت الابتوب لأنو اكثر جهاز استخدمة اكثر من الجوال )هههه
ليا 3 سنين و انا اسوي هذا الشي علمتني هوه وحدة من صحباتي في السكن و بجد استفدت منه مره كثير و الصراحه اغلب احلامي  و اهدافي اتحققت و لله الحمد

في بعض من اهدافي طويلة الاجل يعني يبغالها سنين و دنين الين اوصلها و في بعضها ما يحتاج الا اشهر
ذي السنه حطيت صورة لناس و مقولات دائما تلهمني – يلا اوريكم خلفيتي

زي ما انتم شايفين الخلفيه فيها احلام و طموحات كبيره لووول
انصحكم تسوونها كمان تقدروتطبعوها او تاخذو الصور من المجلات و تحطوها في البورد تبعكم

خلوني اوريكم نماذج من النت

ان شاءالله يا رب تكون عجبتكم الفكرة و اذا سويتوها بليز وروني هيا
احبكم

 

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

3 thoughts on “ضعي احلامك في خلفية جهازك”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s