وردبريس اهلا بكم في منزلي الجديد|WordPress,welcome to my New home

بسم الله الرحمن الرحيم
السلام عليكم و رحمة الله و بركاته
NewWebsite3
اهلا و سهلا بكم في بيتي الجديد  
بعد التفكير العميق و السوأل الكثير قررت اخيرا ارجع للوردبريس لكن بطريقة جديده و هوه اني الغي مدونتي القديمة هنا و استبدلها بالمدونة الي في البلوجر
لطالما كان الوردبريس احب الى قلبي من البلوجر  فابدايتي في عالم التدوين كانت من هنا و انتقلت الى البلوجر للاسباب اجهلها حتى الان
طبعا اشكر صديقاتي البلوجرز في دعمهم لفكرتي و تشجيعي ما كنت حأسوي دا الشي من غيركم 
الكل راح يسئل الاء يعني ذحين كل تدويناتك في البلوجر اختفوا و ما نقدر نوصلهم ؟
جوابكم طبعا لا كل التدوينات بالصور بنفس تنسيقها و نفس التصنيف ما اختلف و لا شي حرفيا , اللهم اتغير الموقع من
http://alaas-blog.blogspot.com/ الى https://alaasblog.wordpress.com/
و لو اي احد حاول يزور المدونة القديمة راح ينتقل تلقائي هنا
و كمان شكل المدونة اتغير فخلوني اعرفكم كيف تتعاملوا مع الشكل الجديد للمدونة 
first1- الشريط الاسود موجود في زر الصفحة الرئيسيه سواء ضغطوا على كلمة Home أو اسم المدونة راح ترجعوا تلقائي للصفحة الرئيسيه + وجودد خانة البحث
2- عشان تتواصلوا معايا و تعرفوا صفحاتي في مواقع التواصل الاجتماعي و ترسلوا لي في البريد الالكتروني كل الي عليكم تسوو تضغطوا على كلمة contact و راح تظهر لكم نافذه التواصل كالتالي
sec
3- اقسام المدونة موجودة في الشريط الابيض عشان تقدروا توصلوا لها بسرعة كمان لمن تدخلوا اي تدوين حيكون عتدكم في الجانب الايمن من التدوينة برضوا اقسام المدونة و يسير ما ترجعوا مرة ثانيه للصفحة الرئيسية
4- كل التدوينات مظهرها على شكل صور كل الي عليكم تسوو تضغطوا على الصورة و راح تقرأو العنوان و تدخلوا على التدوينة مباشرة و تقدروا تعلقوا زي ما انتم متعودين في البلوجر
therd
نقاط مهمة و شوية تغييرات :
-سياستي في التدوين راح تكون مختلفة شوي و ذلك لعدة اسباب منها حسيت مدونتي تشبه مدونات كثير مما يخليني اتضايق من نفسي 
-لاحظت اغلب تدويناتي في الاونه السابقة عن الجمال و التجميل   و نسيت الاقسام الاخرى و هدفي من التدوين اني اركز على الموضه و الفن اكثر من عالم الجمال فما راح اكتب كثير في هذا القسم الا عن (مراجعة لمنتجات استخدمتها و حبيتها فقط لا غير )غير كذا لاحظت اغلب البنات يتجهوا للتدوين في اشياء التجميل فأكيد راح يفيدوكم و تستمتعوا معاهم اكثر مني 
-فتحت قناة في اليوتيوب و إن شاءاللة راح انزل فيها فيديوهات كل ما سمحت الي الفرصة و هذا حسابي هنا http://www.youtube.com/user/TheAlaayo/videos
-إن شاءالله راح اتكلم عن مواضيع اكثر اثارة و إفادة و كل شي يلهمني , يفيدني , يعجبني و استمتع فيه راح اتكلم عنه
-راح افتح اقسام جديدة منها قسم خاص للكتب و ال DIY و اشياء اخرى راح تعرفوها قريب إن شاءالله 
و في الاخير يا رب تكونوا انبسطتوا معايا و عجبكم شكل البلوق لا تنسوا تتابعوني في تويتر و الانستقرام و اليوتيوب لو عندكم اي استفسار ملاحظات الخ لا تترددوا و قولوا لي
و اتمنى لكم يوم جميل
احبكم
<< على فكرة راح تطفشوا من كثر ما استخدم الايقونات من زمان و استخدمهم ايام قلعة الفوتوشوب كان اسمي هناك Photo’yo لول 
Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s