تجهيزات العيد | العناية الشخصية

بسم الله الرحمن الرحيم

السلام عليكم و رحمة الله و بركاته

موضوع اليوم هوه تكمله لسلسة تجهيزات العيد و اليومراح اتكلم عن كيفية إعداد نفسك بدنيا للعيد , عن نفسي احب اتجهز قبل العيد بيوم او يومين فراح اتكلم لكم  عن روتين عنايتي

اولا : إزالة الشعر الزائد

للوجه استخدم شرائح فيت او الواكس الحار , لباقي جسمي اشيل بشرائح فيت و جهاز براون , ما افضل الحلاوة لانها تسوي لي حوسه و اكره شي يلصق في يدي

ملاحظة : لازم تقشري المنطقة المراد إزالتها قبلها بيوم بالمقشر الي تستخدميه عشان كل الشعيرات تظهر , بعد واكس الوجه لازم تقفلي مسامته و تحطي كريم للحروق زي كيناكوب عشان ما تطلع لك حبوب و تتهيج بشرتك

ثانيا : الشعر

احب احط حمام زيت او زيت قبل العيد بيوم و اخليه ساعه كأقصى حد ثم اغسل شعري كالمعتاد ( شامبو + بلسم + و ماسك لترطيب اكثر ) بعد ما ينشف تماما استخدم الحامي من الحراره و استشور شعري و بعدين اسويه بالسحب , السيراميك , الستريتنر الي تسموها و خلاص اسوي تسريحة تعجبني مناسبة للصباح و تليق مع لبسي

ثالثا : الايدي و القدمين

بما إني انسانه مو راعية مناكير و لا شي بس احب دايم و مهم و لازم اقشر و ارطب يداتي و اقدامي فعشان كذا احرص قبل ليلة العيد اقشرهم و ارطبهم و البس القفزات و الجوارب عشان تترطب مزبوووووط  , طبعا اذا انتي في مكان في صوالين و كذا روحي و سوي يداتك و ركبي أظافير و استمتعي أقصى شي

رابعا : الجسم و الوجه

بالنسبة لوجهي اسوي نفس روتيني العادي ما في شي جديد و سبق اتكلمت عنه في تدوينة سابقة هنا

طبعا لازم لااااازم و اكيد الكل يغتسل قبل ليلة العيد , و إستحمامي برضوا عادي ( أقشر , اتحمم باصابون سائل الاستحمام و اخيرا ارطب جسمي ) ثم البس بجامتي و انااااااام و اقوم اتجهز لباقي الاشياء الي بإذن الله راح اتكلم عنها في البوست الاخير

إن شاءالله ي رب تكونوا أستفدتم من الموضوع و أتمنى لكم عيد سعيد

أحبكم

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s