روتين عنايتي بشعري

بسم الله الرحمن الرحيم

السلام عليكم و رحمة الله و بركاته

المجموعه@

اليوم راح اتكلم عن روتين عنايتي بشعري بالتفصيل الممل فخلوا معاكم كوب شاي او قهوه و متأكدة راح تخرجون بفائدة من هالتدوينة 

اول شي لازم تعرفون نوعية شعركم قبل لا تشترون اي منتج للشعر أكيد حتقولون ليش مو كلها شامبوهات , بلسم , أقنعه الخ و تؤدي غرض واحد ؟

جوابي لكم طبعا لا لأن كل منتج لكل نوع شعر يصنع بعناية عشان يناسب طبيعة شعرك فمثلا الي شعرها دهني ما ينفع تاخذ شي فيه ترطيب عالي الي هي اصلا مخصصه للشعر شديد الجفاف أو التالف و هالشي ممكن يضرها بان يطلع لها زيوت في فرووة الراس اكثر مما تتخيل و هكذا

روتين عنايتي بشعر يعتبر مكثف + ترطيب شديد لأن شعري شديد الجفاف فإلي شعرها دهني ابدا لا تفكر تسوي مثلي أما اصحاب الشعور الصحرواية فلتتفضل


1 – غسيل الشعر

أنا اغسل شعري مرتين الى ثلاث مرات اسبوعيا و المجموعة الي استخدمها هي من شركة ليي ستفورد مخصصة لتطويل الشعر مكونة من شامبو , بلسم و قناع . أول غسلة في الاسبوع استخدم المجموعه كلها , ثاني غسلة استخدم بس الشامبو وقت ما اسوي حمام زيت لشعري , ثالث غسلة أستخدم الشامبو و البلسم لما احط زيت فشعري .

@

المجموعة سبق و أتكلمت عنها و عن نتائجها في شعري إذا حابين تشوفوا الفيديو إضغطوا هنا


2- تزيت الشعر و حمام الزيت 

الزيوت-و-الماسك@

أزيت شعري فالاسبوع مره وحدة و اخليه اكثر شي لمدة ساعتين لا اكثر من ذلك لأن اذا مسامات الشعره ما اتنفست راح تضعف و ومع الوقت تطيح الشعره مهما كان نوع شعرك لا تخلين الزيت يطول في شعرك اقل شي نصف ساعه و الي شعرها دهني تزيتة مره على الاقل . أما حمام الزيت الي استخدمه هوه من فشكول لكن انا اضفت معه زيت و خلطتهم سوا الرجة هذي كلها سويتها عشان يترطب شعري ( معاناة الشعر الجاف ) و اخليه في شعري ساعه او نصف ساعه + اغطي شعري بكيس . اخيرا كريم الشعر هذا احطه في الايام الي ما بعد الاستحمام بس عشان احافظ على الترطيب


3- إستشوار الشعر 

حامي-الشعر-,-الزيت-و-السيروم-مدونة

غالبا استشور شعري و اسحبه فالاسبوع مره الى مرتين لا اكثر و لا اقل من ذلك بس قبل لا أستشور شعري لازم لازم احط حامي الشعر و برضوا من ليي ستفورد ابخه على بعد يدي على كل شعري بعدين ابدا اسشوره او اسحبه على حسب نفسيتي خخخ , بعدين احط السيروم من ايفري ستراند و هوه مخصص للشعر المعالج كميائيا ( استخدم كيراتين لشعري اوكي ) . اما المنتج الاخير هوه زيت المكاديميا استخدمه بدل كريم الشعر قوامه جدا ثقيل و يرطب الشعر و يعطيها لمعه مره احبه و ريحته حلوه


و بكذا خلصت البوست إن شاءالله يا رب أستفدتوا منه لو عندكم اي تعليق , إستفسار الخ أكتبوا لي في التعليقات تحت أنبسط لمن أشوف تعليقاتكم

أحبكم

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

4 thoughts on “روتين عنايتي بشعري”

  1. رووووعه التدوووينه حبيتها جدا واستخدمت بخاخ حماية الشعر وممتاز بس اللي مكرهني فيه ريحته لو يغيرونها بس خخخخ وفاشكول كمان بس ما شفت منه نتيجه .. شكرا لك ولتدوينتك وونتظر القادم يا حبي لك

    Like

    1. ايه و الله صادقة فيه ريحة شوي مزعجة بس قسم ريحته اهون من الشامبو و البلسم حقه , فاشكول لو شعرك مو جاف ما راح تحسين بأي نتيجه ملحوظة احسه يرطب اكثر من انه يسوي شي سواء فاشكول او اي منتج غيره احس انواع الشعر غير الجافة الماسك يكفيهها و يوفي , يسعدلي قلبك ريمو احبببببك كثييير

      Like

  2. مره حبيت التدوينه ماشاء الله انا شعري بدأ يتساقط بشكل يفجع لأنه دايما في الصيف يخرب وينعدم. … فشكلي رح ارجع للزيوت تاني

    Like

    1. حاولي تحطين بخاخ حماية الخ , و كويس منك ان ترجعين للزيوت لو تحطين مرتين باليوم , شكرا لك عالتعليق جدا اسعدتيني 🙂

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s