نظم وقتك تسعد بحياتك

بسم الله الرحمن الرحيم

السلام عليكم و رحمة الله و بركاته

اليوم بإذن الله راح اتكلم عن موضوع تنظيم الوقت مع العلم انه موضوع كبير متفرع و له عناوين فرعية كثيرة لكن بأحاول اقولكم الأشياء اللأساسية و بكل إختصار لأني لو اجلس اتكلم من هنا الين بكرى صدقوني راح تطفشون و تدعون علي ههههههههه

يلا بينا نبدا 

ما هوه التنظيم ؟ و كيف انظم وقتي ؟ 

التنظيم ما تقدرين تسوينه اذا ما عندك اهداف و مهام لابد من انك تنجزينها سواء في اليوم , الاسبوع او الشهر و السنه , سواء كانت مهامك امور منزلية , شخصية , عائلية , وظيفية , دراسية الخ لابد انك تحطين لها وقت معين عشان تنجزينها و الاهم من ذلك انك ترتبينها على حسب الأولوليات يعني الاهم فالمهم

اذا تبغين حياة بعيده عن الضغوط النفسية , التوتر , المشاكل , تلخبط الامور مع بعض لدرجة ما تعرفي ايش تسوي او انك توصلين لحد الطفش و الاكتئاب اذا لابد من انك تنظمين وقتك

كلنا عندنا احلام , اهداف , مهام  | مثلا تبغين تاخذين تقدير A+ في الجامعة , توصلين لوزن معين , تفتحين لك مشروع , عندك موعد مهم سواء في مستشفى او زواج , تسافرين الخ. كلها تبداء بمرحلة التخطيط , كتابة الاهداف ثم التنظيم و اخيرا تحقيق الهدف و المتابعه و بكذا راح تقدرين تنجزين كل شي نفسك فيه و هذا هوه سر نجاح الاشخاص الي حولنا

نظم وقتك تنعم بحياة جميلة – Alaasblog

كيف اجعل التنظيم جزء من حياتي ؟ 

الاصرار , المتابعه , التشجيع و التحفيز ثم انجاز المهام تجعلك كفيلة بإنك تحرصين على انك تخلين التنظيم جزء من حياتك . فتصوري لو انتي تشترين لك منظم و تكتبين مهامك وو اهدافك لكن ما تشتغلين عليها , هل راح تكملين في التنظيم ؟ طبعا لا , ليش ؟

لأنك ما اخذتيه على محمل الجد.

الادوات الي تساعدني في التنظيم ؟

1

المنظم | في منظامات أسبوعيه , يوميه , شهريه , سنويه و بعضها يجمع الكل , بمقاسات , و اشكال مختلفه خذي الي يريحك و يساعدك في التنظيم , فمثلا لو انتي شخص مثلي عندك في اليوم اكثر من مهمه تسوينها لازم تحطين في بالك المنظم حقك من الداخل مساحاته تكون كبيره علشان تاخذي راحتك وقت الكتابه

الصقات , اوراق الملاحظات و القلم برضوا من الاشياء الي تساعدك في التنظيم و في ناس مجانين يستخدمونها لدرجة يخلون شكلها يفتح النفس كانها سكراب بوك مو منظم

و عشان تشوفون اشكال كثيرة ادخلوا اتصفحوا في موقع البنترست هنا 

ايهما افضل المنظم الالكتروني ام الورقي ؟ 

بالنسبة لي افضل الورقي لان لمن تكتبين بالقلم كل حواسك تتحرك و تكتب معاك و ينرسخ في مخك بشكل افضل من الالكتروني غير كذا اشوف كل كلمة مكتوبه في الورقة بدون اي اختصار و عدم وضوح في الرؤيه ,انا ما احب الاجهزة و لا اضمنها غير انها مضره بالصحة فهذا السوأل يعتمد عليك انتي كليا ايش ترتاحين له اكثر و في تطبيقات كثير تساعدك في انجاز المهام ابحثي في الستور حق جهازك و اختاري الي يريحك


الاء كيف تنظمين وقتك ؟

4

عن نفسي اعتبر إنسانه لو مخططت لليوم الي اصحى فيه و ايش اسوي اعتبره شي يجلطني , اول ما اصحى او قبل النوم لابد اني اكتب الاشياء الي ابغا اسويها في اليوم و ارتبها على حسب اولوياتي , الي ما يعرفني انا انسانه بيتوتيه خلصت الجامعه و ما عندي وظيفه لكن عندي شغل فالبيت , شغل المدونة  , امارس هواياتي و الاشياء الي احبها من ضمنها قراة الكتب اتفرج مسلسلات افلام الي يحبه قلبي , لكن مستحيل اجلس كذا بدون شغله ممكن تلاقوني اعصب و اصرخ و اعيش في حالة توتر الا في حالة وحده لو كنت تعبانه خلاص اخذ يوم راحه من كل شي , يعني مسويه توازن في حياتي لا كل حياتي شغل و لا كله راحه , ان ما قدرت اخلص كل المهام في نفس اليوم اخذ اهم شي ابداء فيه اخلص منه ثم ارجع ثاني يوم اكمل باقي الشغل عادي و بس هذا هوه نظامي

3

بالنسبة لأغراضي / المنظم اخذته من مكتبة جرير , الصقات الأثنين الي تحت من مكتبه جرير اما الي شكلها كيوت ال3 من موقع إلكتروني اسمه قرطاسيه و اخذتها من زماااان و ما زالت موجوده عندي و لا ابغا اخلصها عشان ما عاد في زيها للأسف و هذا هوه موقعهم http://shop.qurtsyah.com.sa/


فقرة اسئلتكم | 

1\ كيف اسوي نظام يومي و اسبوعي للعناية بنفسي ابد ما عرفت كيف انسق وقتي يعني لو اسويه اليوم بكره انساه , حتى لو كنت فاضية مادري ايش اسي و كمان برضوا كيف انظم بين وقتي بين الدراسه و الاهتمام ؟

اول شي لازم تجيبين ورقة و قلم و تحددين ايش نوع العناية الي تبغين تسويها في جسمك و اعرفي طريقتها الاصح يعني , تقشير الجسم لازم تسويه مرتين الى مره في الاسبوع القناع نفس الشي و هكذا و بعد ما تحطين الجدول علقيه قدامك عشان ما تنسينه , الدراسه يعتمد عليك انتي مثلا ترجعين من المدرسه تتحممي تاكلي تاخذي قيلوله نصف ساعه او ساعه بعدين تقومين تاخذين لك كوب دافي شاي او كوفي او عصير الي تحبينه ثم ابداي حلي واجباتك و ذاكري دروسك لو عندك سوال عن شي في درس اليوم اكتبيه في ورقه و اسئلي الاستاذه اليوم الثاني , يجي وقت النوم قبلها تغسلين وجهك بغسول و ثم تقفلين المسام بالتونر و ترطبين وجهك و جسمك ثم نامي . هذا مجرد مثال لكن انا ما اعرف كيف حياتك اصلا انتي الي تحطين الجدول على الشي الي يناسبك

2\ انا ام لطفل كيف انظم وقتي لاني احس وقتي ملخبط من وين ابدا ؟ ودي اكون منظمه و انظم وقت ولدي يعني شغلي عشوائي ؟

للاسف انا ما جربت حياة الامومه او الحياة الزوجية لكن مثلا استغلي الوقت الي طفلك يكون فيه نايم عشان تكملين باقي اشغالك سواء الشخصيه او المنزليه , خصوصا اذا انتي الي ترعين طفلك و ما عندك احد يراقبه و يراعيه فهذا هوه حلك الامثل , لو كان طفلك في سن استدراك يعني بين 4 و 8 خليه يساعدك في امور بسيطه و كافئيه لمن ينجزها , و اذا زوجك موجود حاولي انك تتفاهمي معاه انك تخليه فتره عنده الين بس تخلصين كم شغله , طبعا بما انك ام و ربة منزل في اشياء تحتاج منك تسجيل مثل تطعيمات طفلك , دفع الإيجار , تكتبين لستة لأغراض البيت , تعرفين وقت رجوع زوجك للبيت عشان تجهزين له الاكل سواء فطور غدا عشا  و انتي و زوجك تتساعدون فيها و اكتبي كل هالاشياء في مفكرة او منظم الي يرحيك و تكون في مكان امان ان شاءالله يا رب تكوني استفدتي من جوابي و الله يكتب لك الاجر


و بكذا خلصت بوست اليوم إن شاءالله يا رب افدتكم  في كم فيديو حابه انكم تشوفونه اكيد راح تستفيدون منه و اتمنى لكم حياة منظمه جميله و سعيده احبكم

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

4 thoughts on “نظم وقتك تسعد بحياتك”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s