إختاري فستان زفافك بطريقة إحترافية | How to choose your wedding dress perfectly

بسم الله الرحمن الرحيم

السلام عليكم و رحمة الله و بركاته

كيفكم إن شاءالله تكونوا بخير , طبعا موضوع اليوم كنت ممخه عليه من زمااااااااااااااان و جا الوقت الي لازم انزلكم هوه طبعا اول سوأل حيخطر في بالكم اهاااا الاء راح تتزوجي ؟؟؟ 

لا و الله لسى باقي سلحفتي ما جا اقصد عريس المستقبل ههههه

المهم موضوع اليوم طويل طويل طويل فيستحسن تاكلوا سناك او تشربوا شي يلا بينا نبداء

طبعا حلم كل بنت انها تكون مميزه في حفل زفافها و تبغى فستانها شي واو و ما يتنسي , و عشان تختاري الفستان المناسب لازم تعرفي اشياء كثيرة عن فساتين الزفاف و الي لخصتها لكم كالتالي لكن قبل حابه انوه عن شي او اشياء :

لمن تجي تختاري فستان زواجك خلي معاك ورقة و قلم حددي ميزانيتك هل تبغينه تصميم , جاهز ,او مؤجر الي يريحك و كمان لازم تعرفي متى تاريخ يوم زواجك بالزبط خصوصا لو كان تصميم ( تفصيل ) حياخذ وقت طويل و حتسوي بروفات و قروشه مالها اول و لا اخر و ممكن تنحفي و تتخني , كمان لازم تودي قماشك عند مصممة ( مشغل الي يكون ) محترمه عشان القماش ما يروح في داهيه و تجلسي تبكي عليه


أنواع قصات فستان الزفاف

قصة ال A line 

A-line

تتميز هذي القصة بإنها تكون ماسكه عن منطقة الصدر الى البطن او نصفه و بعدين يكون نازل و يكون القماش على شكل حرف ال A بدون ما يكون منفوخ مره , هالنوع مخصص للناس الي تحب الشي البسيط و الناعم و مناسب اذا كان مكان حفل الزواج صغير

Ball gown 

Ball-Gown

هذي القصة زي ال A line لكن تتميز من انو القماش يكون منفوخ زي فستان الاميرات , جدا يناسب الي يحبون يكونوا زي الاميرات و تعيش حياة القصص الخياليه زي سندريلا و اخواتها , لكن عيبه انه كل ما تزيد نفشه لازم تتدربي عليه في المشي و انتي لابسة الكعب و تدربي في الطلعة و النزله و كل حركة في الحياة و حطي في بالك انك مليون فالميه راح تحتاجي احد معاكي يشيله لك و اذا كان مكان حفل زواجك صغير فأبداء لا تحطيه في بالك و اذا بتسوين له ذيل و مع الطرحة يعني يبغالك تكتيك عشان تسوي واحد يريحك في المشي و الرقص و تفرحي في يوم زواجك و تنبسطي و ما تقولي ي ليتني ما اخذته و الخ الخ الخ اوكي

ستايل الامبير

empire

هذا الستايل قريب من ال A line كمان لكنه يختلف عنه في حاجتين من فوق يكون ماسك الي الصدر او تحته بشويه و بعدين القماش من تحت يكون منسدل و إنسيابي على بعضه و ما فيه و لا اي نفخه و بهرجه زايده , مناسب برضوا للناس الي يحبون شي بسيط ناعم و انثوي جدا و خفيف في الحركة لكن حطو في بالكم هذا النوع يحتاج قماشش منسدل مو واقف يعني شي زي الحرير و اخوانه الكرام و تقدري تدمجي معاه من فوق القماش الدنتيل او شي انتي يعجبك

ستايل ال Sheath

SHEATH

يتميز انه يكون مستقيم على الجسم او واقف و يكون ضيق من منطقة الوسط , برضه يعتبر ستايل مناسب حق الي يبغون شي بسيط مررررررررررره

ستايل حورية البحر << و اخيرا مترجم بالعربي ههه

MERMAID

طبعا هذا الستايل مشهور جداااااا و ما يخفى على اي احد و في ناس يسمونه قصة السمكه , تتميز بإنها تكون ماسكه على الجسم تماما من فوق الين ما يوصل عند فوق الركبه وبعدين يكون منفوخ , بالنسبة لي هذا الستايل اعتبره شي جبار جدا و يطلع كل معالم جسم العروس لكن يحتاج بنات اجسامهم سمبتيك , راح تفهمون قصدي في الفقرة الي بعدها


قصات الرقبة | Neckline 

كل الفساتين الي ذكرتها قبل لازم تحطين في بالك قصة الرقبة او منطقة النحر الي تسمونها مكمله لفستانك . طبعا تنويه في بعضها ما عرفت اترجمها بالعربي بس جدا واضح شكلها و هذا اهم شي تعرفين الشكل عشان تختارين الي يناسبك و يبرز المنطقة العلويه عندك او يخفيها زي ما انتي تحبي

قصات-الرقبة قصات-الرقبة2 قصات-الرقبة3


ستايل الفساتين المناسب لنوع جسمك

طبعا اجسامنا انواع و مو كل ستايل ذكرته يناسبك فالي جسمها نحيف مره لها نوع و السمينه لها نوع و هكذا فعشات كذا لازم تعرفين نوع جسمك و تحددين الفستان تبعا لذلك

الجسم1

Hourglass | جسم الساعة الرملية

و بالعامي الجسم المبروم خخخخخ , وصف ادق يكون عندها خصر و جسمها يكون محدد من فوق و تحت يعني المقومات الانوثيه باينه فيها , و انواع الفساتين الي تناسبها ( مع ان احس يلبق عليها كل شي ) هي ال ستايل عروسة البحر ,A line , ستايل الاميرات او Ball gown , و اخيرا ال Sheath , و كمان الامبير لو كانت بطنها شوي بارزه

النحيفه و الطويل

الاجسام الي جسمها سايب على بعضوا مستقيمه و تكون طويلة يلبق عليها قصة عروسة البحر( بس يفضل يكون صدرك بارز) , Seath و ستايل الاميرات Ball gown و كمان فضل منطقة الصدر يكون بارز ( للأمانه احس الصدر سار مو مشكله الخلايق سايرة تلبس الصدريات السيلكون و عايشه وضعها تمام ههههههههههههه فلا تشيلي هم )

الجسم2

البتيت ( كلمة فرنسية تعني صغيره و يقدروا يلبسو ملابس البزوره هههههه ) الاجسام الصغيره 

و بالعامي اسمها المدلقمه , الي ينفع لهذا النوع من النوتات ال Seath , A line و الامبير , هما حاطين في الصورة انو تقدر تلبس ستايل الاميرات , اوافق لو كان الفستان مو منفوخ مره عشان ما تضيع فيه المسكيه

جسم التفاحه

و الي يكون جسمها المنطقة اكثر بروز عندها البطن , الأنواع الي تناسبها , الامبير , Ball gown , ِِA line

و كمان للأمانه هذا النوع برضوا ما يتعب كلها مشد يرص بطنك و خلاص تحل المشكله الا في حاله لو انتي مرررره اوفر سايز

الجسم3

جسم الكمثر

تكون نحيفه من فوق و عريضه من تحت القصات الي تناسبها , الامبير , Ball gown , A line

Full figure 

ما عرفت اترجمها لكن اعتقد انو المقصد الاجسام الاوفر سايز او السمينه , بالنسبه لي انا افضل انهم يلبسون قصات ما تكون ماسكه عليهم من تحت مثلا زي ستايل عروسة البحر ما تنفع معاهم , الامبير يناسبهم جدا و تخلي ضيق من محيط الصدر و من تحت القماش يكون منسدل , كمان A line حلوة بس برضوا ما يكون ماسك عليها


و بكذا خلصت بوست اليوم , جدا استمتعت و انا اسويه لكم يا رب اكون قدرت اقدم لكم معلومات كافيه فيه طبعا لو حابين تتعمقوا في الموضوع اكثر نصيحة ادخلوا البنترست احسن مكان في العالم للتغذية البصرية من صورة و معلومات و كل الي يحبه قلبك و كمان ادخلوا موقع برايد . كوم http://www.brides.com/

هذا الموقع مختص في كل شي يخص العروس مره انصح فيه , و الله يتمم لكم على خير و عقبال العاوزين

اتمنى لكم حياة سعيدة

احبكم

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

5 thoughts on “إختاري فستان زفافك بطريقة إحترافية | How to choose your wedding dress perfectly”

  1. موضوعك جمييييييل جدا ومتكامل ومتاكده لو اني قرآته قبل ثمان سنوات كان استفدت منوووو كثييييير واصلي هالتدوينات الجميله

    Like

  2. في بعد لون الفستان يختلف على لون البشره
    لؤلؤي ولا أبيض ناصع ولا ابيض عادي و لا اوف وايت

    انا عن نفسي مستقبلًا ودي وردي فاتح مره😂

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s