تجربتي مع|زبدة الجسم من ذا بودي شوب

بسم الله الرحمن الرحيم

السلام عليكم و رحمة الله و بركاته

كيفكم و كيف البرد معاكم الي مو راضي يروح ؟ 🙂 مع العلم احب البرد بس مشكلته يخليني اتحول الى دب قطبي و انام كل الوقت خخخخ , و بما اننا لسى مع موجات البرد المتقلبه فقلت انزلكم هذا الموضوع لان اكيد الكل يعاني من مشكله مشتركة و هيا جفاف البشره 

مهما كان نوع بشرتك لازم مع البرد يجينا جفاف في جسمنا و تشهب الواننا و نقلب حراشف سمك ههههه الحاله دي اسمها winter skin

دخول جلد الجسم لمرحلة الجفاف يعتبر امر خطير و يصبح اكثر خطورة لو الواحد ما يهتم لهذا الامر ليش و عشان ايش ؟

في فصل الشتا درجة الحرارة تقل و الرطوبه + نتحمم بموية حارة عشان نتدفى مما يزيد في فقدننا للزيوت الي يفرزها الجسم عشان يفضل الجسم مترطب و كمان نلبس ملابس ثقيله و اكثر من قطعه , فالجسم ما يتنفس بكل سهوله زي فصل الصيف و تزيد الطين بله اذا ما تشربون مويه , الاغلب فينا يشرب اشياء تدفيه و ينسى المويه تماما و هذا يسهل ان الواحد يتعرض للجفاف بسرعه اكبر ( فقدنا للماء خارجيا و داخليا)

ايش يسير لو ما رطبنا جسمنا ؟ 

بغض النظر ان الجسم يصبح اكثر جفافا راح يتعرض للهرش , لحكه و التشققات و اخيرا يصبح موطن للجراثيم و يسبب امراض جلديه

نرجع لموضوعنا و هوه زبدة الجسم الي اعتبرها شي مهم في هذا الوقت و اي شخص بشرة جسمه جافه

IMG_3242

تركيبتها | مع انها زبدة و غالبا اول ما الواحد يسمع كلمة زبدة يجي في باله انها ثقيله و مره حتدبق في الجسم , في هذا المنتج ما راح تحصلي دا الشي صح قوامها ثقيل لكن الجسم يمتصها بشكل رائع و ما يترك شعور التدبيق الي يزعجني غالبا.اول شي يغلب في تركيب المنتج هوه الماء  (حطو في بالكم اي منتج حق ترطيب لو اول تركيب فيه مكون من الماء فاعلمي انو النسبة العاليه فيه المويه بعدين يبداء باقي المنتجات تقل تدرجيا نسبتها اتمنى تكون وصلتك لكم الفكره ) يليه زبدة الشيا و معروف زبدة الشيا جدا خورافيه في الترطيب مع اني ما احب ريحتها , و فيه جلسرين غني عن التعريف , باقي التركيبه عباره عن زيوت و زبدات اخرى لو حابين تعرفوا المنتج و تركيبه بالتفصيل ادخلوا موقعهم 🙂 كل زبده لها تركيبة غير لأنها بروائح مختلفه, صحيح فيها رائحة تعتبر عطريه بس لمن قرات التركيبه حقت المنتج ما لقيت كلمة برفيوم فمثلا عندكم زبدة المانجو ريحتها من زيت المانجو نفسه

حجم العلبه جدا صغير 48 جرام(50 مل), ينفع تدخلينه في شنطة اليد بدون ما تشيلين هم تثقل عالشنطة

This slideshow requires JavaScript.

اخدتها ال4 في مجموعه وحده و مكون من . زبدة الجسم بالمانجو , الفراوله , ساتسوما و اخيرا اذا ما خاب ظني الجريب فروت او الباشن فروت ( العلبه ضاعت او بمعنى اصح اختفت خخخ)

اكثر وحده ريحتها عجبتني هي الي بالمانجو و يليه الفراوله اما الاثنين الباقيه ما قدرت اتحمل ريحتهم و استخدمهم بعد ما اغسل صحون ملابس الخ او استخدمها لاقدامي

تجربتي مع المنتج أ الصراحه جدا حبيتهم ما اتوقعت اني راح تعجبني مره , ترطيب الزبدة يجلس لوقت طويل اذا ما تعرضتي للمويه كثير , غالبا كنت استخدمها ليدي و اقدامي فقط ما قد حطيتها بجسمي لأن جسمي حاليا يتحسس من اي شي معطر و يطلع حبوب 😦 . و اخيرا ريحتها حلوه و ما تخلي شعور التدبيق و اني اضطر امسح جوالي كل شوي و من هالخرابيط .

هل راح اشتريهم ثاني | 100% ايوا بس راح اخد الحجم الكبير و بالاخص الي بالمانجو و ممكن اخذ شي ثاني اما الفراوله تقريبا لا و الساتسوما و الجريب فروت ما راح اخذهم

سعر المنتج مثل ما قلتلكم قبل هيا اصلا مجموعه كامله اخذتها سعرها ب100 ريال من ذا بودي شوب

و بكذا وصلنا لنهاية التدوينه يا رب نالت اعجابكم و انتم قولوا لي ايش اكثر منتج تستخدمونه لترطيب اجسامكم في فصل الشتاء ؟

اشوفكم في تدوينة قادمة

أحبكم 3>

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s