كريم العين المرطب من كيلز

بسم الله الرحمن الرحيم

السلام عليكم و رحمة الله و بركاته

اخيرا راح اتكلم عن منتج من منتجات كيلز الي خلصتها و الباقي في الطريق إن شاءالله , كريم العين بالأفوكادو الي عمل ضجه مو طبيعيه و كثير يتكلمون عنه و الي حمسني عليه اكثر هي الميك اب ارتست حنان النجادة و قلت اوه بما ان حنان جربته و عجبها قلت لازم اجربه

هالمره ما راح اتكلم عن مكونات المنتج الخ كلها تحصلونها في موقع كيلز مفصله بالتفصيل الممل

و راح اختصر لكم عن الشي الي يعدكم فيه المنتج , اولا الترطيب ,و سمعت ناس تقول انه يقي من الخطوط الرفيعه تحت العين , و يخفف من الهالات السوداء هل الكلام صحيح او لا ؟

قبل لا اجاوب على هالسوال لازم اوضح نقاط كثيره , الخطوط الرفيعه او الدقيقه , لها اسباب مختلفه اولا قد يكون الكبر فالسن , او الجينات او ضعف النظر احيانا بسبب فقدان العين للتركيز و علشان نركز نغمض العين شوي و هذه الحركة تاثر في العين و كمان جلد تحت العين حساس حتى من إضائه الجوال و غيره  حتى اشعة الشمس و كمان التعرض لأشعة الشمس يسبب الظهور المبكر للخطوط , قلة شرب الماء و التدخين برضوا سبب من اسباب ظهور الخطوط , اما بالنسبة للهالات السوداء و الي قد تكون دليل على وجود مرض معين في جسمك و اهمها قد يكون معاك فقر دم و طبعا بتقولوا ايش دخل فقر الدم في الهالات , معروف كريات الدم الحمراء هي الي تنقل الأوكسجين للجسم فلمن يتعرض لفقر الدم مما يؤدي الي تغير في شكل كريات الدم و يبداء في نقص توصيل الاوكسجين لباقي الجسم مما يؤدي الى ظهور الهالات , قلة النوم , السهر الخ و الأكل الغير الصحي  كمان يؤدي الى ظهور الهالات .

ليش اقول هالكلام علشان الي فيكم يعاني من الخطوط او الهالات قبل لا يبحث عن العلاج و تشتري منتجات بمبالغ طائله  يشوف ايش لازم تعرفي السبب الي ادى لهذه المشكله تحصل , فما ينفع تشتري الوف مؤلفه على الكريمات و تروحي عيادات و فالاخير يكون السبب من نمط حياتك  لازم تعرفي مصدر مشاكل  جسمك و بعدها ابحثي عن الحل لعلاجها

طيب هل المنتج اوفى بوعده ؟

انا معايا فقر دم و ضعف نظر فطبيعي معايا هالات سوداء , لكن بالنسبة للترطيب فترطيبه قوي قوي قوي قوووي جدا

قوام الكريم جدا ثقيل , يعني نتفه منه حرفيا قد حجم النقطه يكفي و كمان يزود و يعطي نظارة لتحت العين فكنت دايم احب استخدمه قبل النوم واحيانا احطه على كل وجهي لمن يكون جاف , المنتج لمن احطه يعطي نداوه على البشره و يجلس فترة طويله و هذا اكثر شي حببني فيه  غير كذا المنتج اصلا مخصص فقط لترطيب العين فلا احد يضحك عليكم و يقولكم انه يسوي شي للهالات او الخطوط و الي مو مصدق يدخل موقعهم و يقراء عنه و لا احد يضحك عليكم

الشي الي ما عجبني في المنتج هوه التعليب يعني لو حطوه في علبه مع ضغاط يكون افضل و كمان المنتج يجلس لك 6 اشهر بعد الفتح اذا ما خلصيته خلال ال6 اشهر على طول ارميه . و كمان حجمه صغير كنت اتمنى يكون متوفر حجم اكبر , السبب الي يكمن و راى انه يرطب بشكل قوي هوه انه اول مكونين له هو الاكوا ( الماء ) و الأفوكادو الي معروف انها ثمره ترطب بشكل قوي و فعال فشي جميل نحصل منتج للأفوكادو رائع مثله

مين فين اخذته و كم سعره ؟ اشتريت هالمنتج من سنه في مطار دبي و الي اعرفه ان الاسعار للمنتجات في المطار تكون ارخص بس ما اعرف اذا هالكلام صح او لا , و في موجود كيلز في دبي مول بس ما اعرف اذا موجود في مولات ثانيه , و الجميل انه افتتحوا قريب في السعوديه في الشرقيه اعتقد مجمع الراشد مول و في الرياض في غرناطه مول و عقبال عندنا في جده

سعره في حدود الميه و لكنه يستحق يستحق يستحق و راح اشتريه إن شاءالله و المره الجايه بأخذ علبتين بدل علبه وحده

عندكم سوأل إستفسار او حتى إقتراح او ودكم تشاركون تجربتكم لهالمنتج اكتبو في التعليق تحت , ترى عندي ولاء خاص لمتابعيني الي يكتبون لي تعليقات  مثل ما اعطي من قوتي في التدوين هما كمان اعطوني من وقتهم الثمين في كتابة تعليقاتهم في البلوق فكل الجزيل و الشكر لكم احبكم جميعا

Love ya All

Xoxo

 و لا تنسوا تتابعوني في حساباتي على تويتر , إنستقرام سناب شات و تشتركوا في قناتي على اليوتيوب

Advertisements

Author: alaasblog

Alaasaeed ♑️like Octopus addicted to bags & blogging-graphic designer,Readier,new photographer& founder @alaasparks Jeddah 📩Alaasblog@hotmail.com

1 thought on “كريم العين المرطب من كيلز”

  1. شكرا الاء. بما اني من اصحاب البشؤه الدهنيه جدا جدا فما اجرب منتجات كذا. الا ممكن قبل النوم بسبب التكييف اللي يسبب جفاف للبشره بالنسبه لي

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s